တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA)ကို လက်မှတ်မရေး ထိုးမီကာလ နိုင်ငံတော်သမ္မတ ဦးသိန်းစိန် အစိုးရလက်ထက်တွင် တိုင်းရင်းသားလက်နက်ကိုင် (EAO) များအား ငြိမ်းချမ်းရေးစတင်ဖိတ်ခေါ်ခဲ့ပြီး Roadmap များချမှတ်ကာ ပြည်နယ် အဆင့်နှင့် ပြည်ထောင်စုအဆင့် ငြိမ်းချမ်းရေးဆွေးနွေးခြင်းများ ဆောင်ရွက်ခဲ့ပါသည်။

ထို့နောက် နိုင်ငံတော်အစိုးရနှင့် EAO ၁၅ ဖွဲ့ (ABSDF ၊ ALP ၊ CNF ၊ DKBA ၊ KIO ၊ KNPP ၊ KNU ၊ KNU/KNLA-PC ၊ NDAA ၊ NMSP ၊ NSCN-K ၊ PNLO ၊ RCSS ၊ SSPP-SSA ၊ UWSA) တို့အကြား ပြည်နယ်အဆင့် ၁၄ ဖွဲ့နှင့် ပြည်ထောင်စုအဆင့် ၁၂ ဖွဲ့ နှစ်ဖက်သဘောတူ (Bilateral Agreement) ငြိမ်းချမ်းရေးစာချုပ်များ ချုပ်ဆိုနိုင်ခဲ့ကြပါသည်။