“နိုင်ငံတော်သစ် ဖွင့်လှစ်စို့”

• နိုင်ငံတော် ဖွံ့ဖြိုးရေး

တိုးတက်ရေး အဖြာဖြာ၊

ယမ်းနံ့စင် ငြိမ်းချမ်းခြင်း

ရင်းမူလသာ၊

စိုးထိတ်မှု ကင်းစွာ

အရာရာ မခက်ခဲ၊

များပြည်သူ ဘုံအကျိုးမို့

တို့လူငယ် အားမာန်နှိုး

ကြိုးပမ်းဆင်နွှဲ။

• ပြည်တစ်ခွင် ငြိမ်းချမ်းရေး

အလေးပေး ဆောင်ရွက်စဉ်၊

ကျရာဝန် ကိုယ်စီထမ်းမှ

ဖြောင့်တန်းမည်ပင်၊

လူငယ်ထု သူငါယှဉ်

တူပါဝင် စွမ်းဆောင်မှ၊

စိတ်ကူးဉာဏ် အတွေးသစ်နဲ့

လုပ်ငန်းစဉ် ခြေလှမ်းသစ်

ဖွင့်လှစ်မည်ပါ့။

• ရေရှည်တည် ခိုင်ဖို့တွေး

ငြိမ်းချမ်းရေး လုပ်ငန်းစဉ်၊

လူငယ်တွေ ပါဝင်ပေါင်းမှ

အားကောင်းမည်ပင်၊

အနာဂတ် ခေတ်အစဉ်

သစ်လွင်စွာ ဖော်ဆောင်ဖို့၊

ခေတ်လူငယ် မောင်မယ်များ

အားသစ်ဆောင်စို့။

• အနာဂတ်ကို ပိုင်စိုးတဲ့

မျိုးဆက်သစ် မောင်မယ်တွေ၊

ကမ္ဘာ့ရွာ ယနေ့ခေတ်

လှမ်းသစ်ကြစဉ်၊

ခေတ်အတွေး ခေတ်အမြင်

ကမ္ဘာယှဉ် ဖြန့်ကျက်ရေး၊

မောင်တို့ အတူတူ

မယ်တို့ အတူတူနဲ့

တာဝန်ယူ ကိုယ်စီထမ်းလို့

ငြိမ်းချမ်းစည် နိုင်ငံသစ်ကို

ဖွင့်လှစ်မယ်လေး …..။           ။

မောင်စိမ်းနောင် (လယ်ဝေး)