“မျိုးဆက်တာဝန် ကျေပွန်စို့”
နိုင်ငံသားမှန်၊ ကိုယ့်နိုင်ငံကို
ဝန်းရံစောင့်ရှောက် ရပေမည်။
ဒို့ပြည်ထောင်စု၊ တည်တံ့မှုတွက်
ပေါင်းစုအင်အား၊ စွမ်းပကားဝယ်
နိုးကြား တက်ကြွ၊ ကြံဆ ဆန်းသစ်
ခေတ်နှင့် ရှင်သန်၊ အားမာန်လုံ့လ
ပြည့်ဝကြသည့်
မြန်မာ့လူငယ်၊ ဒို့မောင်မယ်ကား
ခန့်ထည်ထွန်းသစ်၊ အင်အားစစ် တည့်။
သူငါမောင်မယ်၊ အမြင်ကျယ်လျက်
နောင်ဝယ်ပြည့်အရေး၊ ကြောင့်ကြဝေးအောင်
ဆွေးနွေး လက်ဆုံ၊ တွေ့ကြုံ ဝေမျှ
ဆန္ဒ ဖုံဖုံ၊ ကျိုးကြောင်းစုံကို
ခြုံငုံသုံးသပ်၊ ချင့်ချိန်တတ်စွာ
သင့်မြတ်မှုကို ရှာကြစို့။
တိုင်းရင်းသားချင်း၊ စည်းလုံးခြင်းနှင့်
ရင်းနှီးနွေးထွေး၊ ဆက်ဆံရေးကို
အရေးတယူ၊ အလေးမူလျက်
တူမျှ ယှက်နွယ်၊ အသိကြွယ်စွာ
ရည်ရွယ် တည်ဆောက် ကြပါစို့။
အို… ခေတ်၏ရှေ့ဆောင်၊ လူငယ်မောင်တို့-
