ထို့နောက် ၂၀၁၅ ခုနှစ်၊ ဩဂုတ်လ ၁၁ ရက်၌ နိုင်ငံတော်သမ္မတမှ NCA တွင် ပါဝင်လက်မှတ် ရေးထိုးနိုင်ရန်အတွက် EAO  အဖွဲ့ ၁၅ ဖွဲ့အား ဖိတ်ခေါ်ခဲ့သော်လည်း  ၈ ဖွဲ့သာ ပါဝင်လက်မှတ်ရေးထိုးနိုင်ခဲ့ပါသည်။

၂၀၁၅ ခုနှစ်၊ အောက်တိုဘာလ ၁၅ ရက်တွင် NCA သဘောတူစာချုပ်ကို နိုင်ငံတော်သမ္မတ ဦးဆောင်သည့် အစိုးရ၊ လွှတ်တော်၊ တပ်မတော်၊ နိုင်ငံရေးပါတီများ၊ အဖွဲ့အစည်းများ၊ တိုင်းရင်းသား ကိုယ်စားလှယ်များနှင့်  တိုင်းရင်းသားလက်နက်ကိုင်အဖွဲ့ ၈ ဖွဲ့ (ABSDF ၊ ALP ၊ CNF ၊ DKBA ၊ KNU၊ KNU/ KNLA-PC ၊ PNLO ၊ RCSS/SSA)တို့သည် နိုင်ငံတကာအဖွဲ့အစည်းများဖြစ်သည့် ကမ္ဘာ့ကုလ သမဂ္ဂ၊ ဥရောပသမဂ္ဂ၊ တရုတ်၊ အိန္ဒိယ၊ ဂျပန်နှင့် ထိုင်းနိုင်ငံများမှ သံတမန်များ ၊ ပြည်တွင်းအသိ သက်သေများ၏ ရှေ့မှောက်တွင် ခမ်းနားထည်ဝါစွာ လက်မှတ်ရေးထိုးခဲ့ကြပါသည်။ ပြည်ထောင်စု လွှတ်တော်က Union Accord အဖြစ် အတည်ပြုထားသည့် ခိုင်မာသောစာချုပ်၊ သမိုင်းဝင်စာချုပ် တစ်ရပ်ဖြစ်သည့်အပြင် မည်သည့်အချိန်မှ ပျက်ပြယ်မှုမရှိ တည်တံ့နေမည့် စာချုပ်တစ်ရပ်ဖြစ်ပါသည်။

၂၀၁၈ ခုနှစ်၊ ဖေဖော်ဝါရီလ ၁၃ ရက်တွင် မွန်ပြည်သစ်ပါတီ(NMSP)နှင့် လားဟူဒီမို ကရက်တစ်အစည်းအရုံး(LDU)တို့မှ NCA တွင် ပါဝင်လက်မှတ်ရေးထိုးခဲ့ပါသည်။