နိဒါန်း

၁။ ပြည်ထောင်စုငြိမ်းချမ်းရေးညီလာခံ-(၂၁)ရာစု ပင်လုံတတိယအစည်းအဝေးကို ၂၀၁၈ ခုနှစ်၊ ဇူလိုင်လ ၁၁ ရက်မှ ၁၆ ရက်ထိ နေပြည်တော်၊ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန (၂) တွင် ကျင်းပခဲ့ပါသည်။ ညီလာခံသို့ အစိုးရအစုအဖွဲ့၊ လွှတ်တော်အစုအဖွဲ့၊ တပ်မတော်အစုအဖွဲ့၊ တိုင်းရင်းသားလက်နက်ကိုင်အဖွဲ့အစည်းများအစုအဖွဲ့၊ နိုင်ငံရေးပါတီများအစုအဖွဲ့နှင့် တိုင်းရင်းသား ကိုယ်စားလှယ်များအစုအဖွဲ့ စုစုပေါင်း (၇၀၀) ဦး တက်ရောက်ရန် သတ်မှတ်ခဲ့ပါသည်။ (၉၃၅) ဦး တက်ရောက်ခဲ့ပါသည်။ နိုင်ငံရေးကဏ္ဍ၊ စီးပွားရေးကဏ္ဍ၊ လူမှုရေးကဏ္ဍ၊ လုံခြုံရေးကဏ္ဍနှင့် မြေယာနှင့်သဘာဝ ပတ်ဝန်း ကျင်ကဏ္ဍဟူ၍ ကဏ္ဍ (၅) ရပ်ခွဲခြားပြီး ဆွေးနွေးခဲ့ကြပါသည်။

ရည်ရွယ်ချက်

၂။      ပြည်တွင်းလက်နက်ကိုင်ပဋိပက္ခများကို နိုင်ငံရေးနည်းလမ်းဖြင့် ဆွေးနွေးအဖြေရှာရန်၊ ဒီမိုကရေစီနှင့် ဖက်ဒရယ်စနစ်တို့ကို အခြေခံသော ပြည်ထောင်စုကြီးကို နိုင်ငံရေးဆွေးနွေးပွဲများမှ ပေါ်ထွက်လာသည့် ရလဒ်များနှင့်အညီ တည်ဆောက်ရန် ရည်ရွယ်ပါသည်။

ပြည်ထောင်စု ငြိမ်းချမ်းရေးညီလာခံ-(၂၁)ရာစု ပင်လုံတတိယအစည်းအဝေးကျင်းပရေး လုပ်ငန်း ကော်မတီများဖွဲ့စည်းခြင်း

၃။  ပြည်ထောင်စုငြိမ်းချမ်းရေးညီလာခံ-(၂၁) ရာစု ပင်လုံတတိယအစည်းအဝေး ကျင်းပရေး လုပ်ငန်းကော်မတီ(၁၁) ခုဖွဲ့စည်းခဲ့ပါသည်။ ၎င်းတို့မှာ ပူးပေါင်းညှိနှိုင်းရေး လုပ်ငန်းကော်မတီ၊ ဖိတ်ကြားရေးလုပ်ငန်းကော်မတီ၊ ကြိုဆိုနေရာချထားရေးနှင့် တည်းခိုနေထိုင်ရေး လုပ်ငန်းကော်မတီ သယ်ယူပို့ဆောင်ရေး လုပ်ငန်းကော်မတီ၊ ခန်းမတွင်းနေရာချထားရေးလုပ်ငန်းကော်မတီ၊  ဧည့်ခံ ကျွေးမွေးရေးလုပ်ငန်းကော်မတီ၊ အခမ်းအနားများပြင်ဆင်ရေးလုပ်ငန်းကော်မတီ၊ လုံခြုံရေးလုပ်ငန်းကော်မတီ၊ကျန်းမာ ရေးလုပ်ငန်းကော်မတီနှင့် ဘဏ္ဍာရေး လုပ်ငန်းကော်မတီတို့ ဖြစ်ပါ သည်။

ပြည်ထောင်စု ငြိမ်းချမ်းရေးညီလာခံ-(၂၁)ရာစု ပင်လုံတတိယအစည်းအဝေး တက်ရောက်သူများစာရင်း

၄။ ပြည်ထောင်စုငြိမ်းချမ်းရေးညီလာခံ-(၂၁)ရာစု ပင်လုံတတိယအစည်းအဝေးသို့ ၉၃၅ ဦး တက်ရောက်ခဲ့ပါသည်။ ၎င်းတို့မှာ အောက်ပါအတိုင်းဖြစ်ပါသည်-

   (က)      ညီလာခံကိုယ်စားလှယ်များ  -၆၉၉ ဦး

                (၁) အစိုးရအစုအဖွဲ့       –  ၇၄ ဦး

                (၂) လွှတ်တော်အစုအဖွဲ့  –  ၇၅ ဦး

                (၃) တပ်မတော်အစုအဖွဲ့  -၁၅၀ ဦး

               (၄) တိုင်းရင်းသားလက်နက်ကိုင်အစုအဖွဲ့           -၁၅၀ ဦး

                (၅) နိုင်ငံရေးပါတီများအစုအဖွဲ့  -၁၅၀ ဦး

              (၆) ပါဝင်သင့် ပါဝင်ထိုက်သူများ – ၅၀ ဦး

            (၇) တိုင်းရင်းသားကိုယ်စားလှယ်များ-  ၅၀ ဦး    

  (ခ) ညီလာခံတက်ရောက်သူ NCA-NS     EAOs   –   ၃၂ ဦး

              (၁) KNPP                        –  ၁၉ ဦး

              (၂) UWSA                         –  ၁၃ ဦး

   (ဂ)    လေ့လာသူအဖြစ် တက်ရောက်သူများ     – ၂၀၄ ဦး

                       စုစုပေါင်း              –   ၆၉၄ ဦး